Surat Anzal Kya Hai?
Surat Anzal ke Mukhtalif mahireen nay mukhtalif tareef ke hai.
Kuch mahireen kehtay hai kih jo banda dakhool kay baad 30 seconds say pehlay farigh (discharge) ho jay tu usko surat anzal (premature ejaculation) ka masla hai.
Kuch mahireen kehtay hai kih agar mard aik minute say pehly farigh ho jay tu usko ye masla hai.
Master and Johnson kay mutabiq agar koi mard apni biwi ko 50% jinsi sakoon (satisfaction) na dy sakay tu wo iska shikar hai.
Doctor Helen kaplan kay mutabiq agr kisi ko apni inzal par control nahi hai yani agr wo apni marzi Kay baghair farigh ho jata hai tu wo is bimari ka shikar hai.
Aur meri nazar mai sab say achi tareef Doctor Helen kaplan wali hai.
Premature Ejaculation Kay Zindagi Par Asrat
Surat e anzal (premature ejaculation) ka masla pori duniya mein aam hai. 1992 ki aik research kay mutabiq har tesra American iska shikar hai.
Hamaray han aik andazay ky mutabiq 80 fisad sy ziyada log is maslay ki waja sy apni biwion ko jinsi sakoon dainay mein nakam rehtay hain.
Jis ki waja sy gharelo (گھریلو ) zindagi bohat talakh (تلخ) ho jati hai. baaz auqaat is maslay ki waja sy Talaq (طلاق) bhi ho jati hai.
Baaz khawateen dosray mardon ko talash kar laiti hain aur shareef khawateen andar hi andar marti rehti hain aur bohat se nafsiati aur jismani bimarion ka shikar ho jati hain.
Is maslay mein kuch mard dakhool ky baad sirf 2 sy 4 jhatkon (جھٹکوں) mein farigh ho jaty hai, kuch dakhill karty he, baaz dakhool say pehly aur kuch foreplay (بوس وکنار) kay doran he farigh ho jaty hai.
Kuch log aisy bhi hoty hain jo baghair kisi tanau (erection) ky ya phir sirf thodi (تھوڑی) se tanau ky sath he farigh ho jatay hai.
Is ke baad wo sharmindagi se bachny ky liye mubashrat sy ijtinab karty hai.
Kafi arsay baad jab wo phir mubashrat (intercourse) karny ki koshish kartay hai tu phir dubara jaldi farigh ho jatay hai Q kih mani (منی) ki thelian (تھیلیاں) bhari hvi hoti hain.
Agar ye masala kafi arsay tak jari rahay tu mard nafsiati namardi ka shikar ho jata hai.
Aur jab wo agli baar mubashrat ke koshish karta hai tu usay is baat ka dar hota hai kih wo kahi jaldi farigh na ho jay aur is dar ke waja sy wo jaldi farigh ho jata hai.
Agr apkay sath aisa ho jay tu darnay ke bajay hans lay aur kih dy kih in sha ALLAH agli bar aisa nahi hoga aur relax ho kar phir say intercourse kar lay.
Premature Ejaculation (Surat Anzal) Ki Wajohat
Premature ejaculation ki abhi tak exact waja kisi ko maloom nahi ho saki hai likin America mai is par boht zyada research ki ja chuki hai.
Kuch mahireen ka kehna hai kih ye masala 100% nafsiati hai. Baaz mahireen kehty hai kih iski zyada tar wajohat nafsiati hoti hai likin kuch jismani bhi ho sakta hai.
Aik aur research kay mutabiq ye masla 85% nafsiati aur 15% jimani hota hai.
Nafsiati Wajohat (Psychological Causes)
Jin nafsiati masail ki waja say ye bimari hoti hai un main kuch ye hai:
Masht Zani (Masturbation)
Hamaray han masht zani kay havalay say ghalt information ki bhar mar hai. Neem hakeemo ki waja say ye bat mashahor hai kih masht zani ki waja say banda surat anzal ka shikar ho jata hai. Likn aisa kuch nahi hai medical science in hakeemo wali theory ko nahi manti.
Nakami Ka Khouf
Mubashrat (intercourse) kay waqt jin logo ko ye khouf hota hai kih kahi wo jald farigh na ho jay tu phir aisa he ho jata hai. Q kih insan jaisay sochta hai wesay he hota hai.
Haram lazzat
Kuch log shadi say pehlay bazari aurto, Girl Friend ya koi aur haram tariqy say apni jinsi khwahish pori karnay ki koshish kartay hai tu is waja say bhi mard is bimari ka shikar ho jata hai.
Q kih jo bazari aurtain hoti hay wo zyada gahak(گاہک) bhugtany(بھگتانیں) kay chakkar mein mard ko jaldi farigh kar deti hay aur do char baar aisa honay ki waja sy mard jaldi farigh honay lagta hai.
Kuch log Girl Friend kay sath pakray (پکڑے) jany ki dar ki waja sy jald farigh honay ki koshish karty hai aur jab do chaar baar aisa ho jay to jald farigh hona aadat ban jati hai.
Stress Yani Zehni Dabao
Premature Ejaculation ki aik ahem waja zehni dabao (stress) aur tension bhi hai. Gharelo (گھریلو ) aur karobari pareshaniyon ki tension aur thakawat (تھکاوٹ) ki waja say bhi ye bimari ho jati hai.
Mazi Mein Honay Wala Koi Waqya
Mazi mein honay wali koi aisi bat ya waqya jis ki waja sa mard kai bar jald farigh hva ho, aur phir jaldi farigh hona uski adat ban gai.
Jismani Wajohat (Physical Causes)
Is masaly main jismani wajohat boht kam hoti hai jin mai kuch ye ho sakti hai:
Pishab Ki Nali Main Soozish
Pishab ki nali mai Soozish (سوزش) ki waja say mard bar bar pishab ki khwahish mehsos karta hai ye bhi iski aik waja ho sakti hai.
Zakar (penis) Ka Agla Hissa Hassas Hona
Baaz dafa uzoo tanasul (penis) ka agla hissa ziyada hassas ho jata hai jiski waja sy bhi mard jaldi farigh ho jata hai.
Mubashrat Main Ziyada Waqfa
Agr 2 Mubashrato kay darmiyan ziyada waqfa ho tu mard jaldi farigh hota hai. agr ap 10 pandra dino baad Mubashrat karty hai tu chances yahi hai kih ap jaldi farigh hongy.
Kamzor Pelvic Floor Muscles
Apko pishab aya hva ho likin kisi waja sy ap washroom nahi ja sakty tu ap note karay kih jab ap pishab roknay ki koshish karty hain to jin muscles ko ap press kartay hai wo Pelvic Floor Muscles kehlaty hai.
Agr ye muscles kamzor ho tu is say pishab ky qatray bhi aty hai aur mard farigh bhi jaldi hota hai.
Reerh Ki Haddi Main Masala
Agr reerh ki haddi (ریڑھ کی ہڈی) mai koi masala a jay tu bhi ye bimari ho sakti hai. Isky ilawa Mardana kamzori ka hona Sugar ka hona,Testosterone level ka kam hona,ya apko kahi chot laghi ho apky nazuk hissay mai tu bhi ye masla ho sakta hai.
How To Treat Premature Ejaculation Yani Surat Anzal Ka ilaj Kaisy Kary?
Yaha tak is article ko read karny kay baad apko pata lag gya hoga kih apka masala nafsiati hai ya jismani.
Agr apka masala jismani hai tu kisi achay urologist say rabta kar lay wo apka complete check-up kar kay apko surat anzal ka ilaj ke medicine tajweez kar dy ga jis sy ap in sha ALLAH thik ho jay gay. Lekin is bimari ki jismani wajohat boht kam hoti hai zyada tar wajohat nafsiati he hoti hai.
Agr apka masala nafsiati hay tu mai apko kuch techniques batao ga jo pori world mai famous hai un par amal kar kay ap is masaly ko kam ya bilkul khatam kar saktay hai.
Lekin ye bat zehan mai rahay kih surat anzal ka ilaj ka kamyab tareen tariqa bhi sab kay leay aik jaisy kam nahi karta.
Ho sakta hay jo chiz apky leay kaam kar rahi wo kisi aur kay leay na kary aur jo kisi aur kay leay kam kar rahi ho apky leay na kary.
Is leay ap in sab techniques par amal kar kay daikh lay kih apky leay konsi technique best hai. Aur usky baad us tariqy ko continue kary jo apky leay kam kar raha ho.
Mubashrat Kay Waqat Soch Ko Muntashir Karna
Boht say log Mubashrat kay waqt apni soch ko muntashir kar kay apni sex timing ko barha daity hai. Isky leay ap 1000 say ulti counting kar saktay hai ya mulak kay halat kay bary mai soch sakty hai. Is say apki soch dusri tarf jay ghi aur apki sex timing mai izafa hoga.
Nakami Ka Khouf Ya Anxiety
Agr apko ye khouf ya dar hay kih ap kahi nakam na ho jay tu isky leay ap kisi psychiatrist say mashwara kar kay Mubashrat say pehly anxiety ke tablet lay sakty hai.
Chai Pani Ya Dusry Mashrobat Ka Istimal
Mubashrat say pehly chai, kafi, pani, ya dusray mashrobat ka istimal kam say kam kary q kih is say zyada pishab ata hay aur jald farigh honay ky chances barh jaty hai. Behtar yahi hai kih Mubashrat say pehlay pishab kar kay masany ko khali kar lya jay.
Foreplay Kay Doran Khud Par Control Rakhna
Foreplay (بوس وکنار) kay doran mian biwi (میاں بیوی) nichay waly kapray na utary. Aur biwi apny husband kay hassas jinsi hisso ko touch na karay.
Balkih duno biwi ki ishtial (اشتعال) par tawajo day, isky leay wo jinsi tasawarat (تصورات) ka bhi sahara lay sakti hai.
Jitni ziyada wo muntashir hogi itni he asani say wo farigh (discharge) bhi ho jay ghi. Aur kuch aurtain (عورتیں) tu foreplay kay doran he farigh ho jati hai dakhol ki zarorat he nahi parhti.
Aik Rat Main Aik Say Ziyada Mubashrat Karna
Aam tor par log aik Mubashrat mai jaldi farigh honay kay baad dusri bar sharmindaghi (شرمندگی) ki waja say Mubashrat nahi karty.
Halankih (حالانکہ) behtar yahi hay kih 1 ya 2 ghanty baad phir Mubashrat ki jay. Aksar log dusri bar mai jald farigh nahi hotay. Aur agr age zyada ho ya koi aur masla ho aur aos rat tanao na ay tu agli rat zaror mubashrat kary.
Condom ka istimal
Sex timing zyada karny ka aik sada tariqa ye bhi hai kih kisi moty ya 2 condom ka istimal kya jay is say azu tanasul ke sensitivity kam hogi aur ap jaldi farigh nahi hunge.
Agr apka azu tanasul (penis) zyada sensitive hai tu ap market mai dastyab timing condom ya koi timing spray lay saktay hai jo azu tanasul ki sensitivity ko kam karti hai aur phir mard jaldi farigh nahi hota.
Azu tanasul ko bahir nikaly
Jab apko lagay kih ap farigh hony waly hai tu apny azu tanasul ko foran bahir nikal day aur jab anzal ki khwahish khatam ho jay tu phir dakhil kar day.
Kegal Exercise
Agr PC muscles(Pelvic floor muscles ) kamzor ho tu phir bhi ye masla paish ata hai in muscles ko exercise ky zariay mazbot kar kay ap apni timing ko barha sakty hai.
Mubashrat Kay Mukhtalif Tariqo Ka Istimal
Mubashrat kay mukhtalif tariqy (yani sex positions) azma kar daikhy kih kis tariqy mai apko apni anzal par control hasil hota hai phir usko continue kary in sha ALLAH behtri ay ghi.
PrematureEejaculation Medication Yani Surat Anzal Ki Adwiyaat
Boht sary doctor surat anzal ka ilaj medicine say bhi karny ki koshish karty hai likin ye medicine sab kay leay kam nahi karti.
Surat anzal ka ilaj ke medicine mai zayada tar antidepressant (depression ki tablets) hoti hai, Jaisay Clomfranil, Zoloft, Paxil, Prozac waghira.
In medicine kay koi khas side effects bhi nahi hotay likin kuch logo ko iski adat parh sakti hai, aur erection ka masla bhi a sakta hai. Is leay in medicine ko use karny say pehlay doctor say mashwara zaror kar laina chay.
Surat anzal ka ilaj kisi achy sexologist ya urologist say karway. Surat anzal ka ilaj ky leay neem hakeemo kai pass bilkul bhi na jay nahi tu seht bhi barbad hogi aur paisy bhi.
Final Words
Yaha par jin techniques ka zikar hum nay kya hai us sy taqreeban 100 mai say 90% log in sha ALLAH sehtyab ho jay gay.
Shifa ALLAH kay hath mai hay iska koi bhi promise nahi kar sakta, agr apka masla iskay bad bhi khatam nahi hota tu kisi achy Psychiatrist ya Urologist jo mardana amraz ka bhi mahir ho say rabta kar lay.
